Започна работното посещение на Бранко Цървенковски в България

Филип : На фона на случващото се в Македония, на постоянно засилващия се терор срещу всички хора с българско самосъзнание, поведението на Първанов е направо пзорно.Хвалебствията относно някаква уж твърда позиция на Първанов и стъписване на Цървенковски е направо смешна. Ето ви официалната интерпретация в македонските медии, в които не само че не се обръща на някаква си позиция на Първанов а направо се набляга на неговото гърчене и отстъпление дори за мекеретата от ОМО Илинден. Четете: English | Shqip Login миа НАСЛОВНА миа ТИКЕР миа ФОТО миа ФОНО миа ВЧЕРА миа МИА миа ПРОЕКТ Црвенковски - Прванов: Бугарија ги поддржува евро и евроатлантските аспирации на Македонија Сандански, 5 март (МИА) - Република Бугарија прва ја призна Република Македонија под нејзиното уставно име и ги поддржува нејзините евро и евроатлантски аспирации, истакнаа претседателите на двете земји Георги Прванов и Бранко Црвенковски по денешната средба во Сандански, јави известувачот на МИА. - Оваа година е многу важна за нас, на Самитот на НАТО очекуваме покана за членство, а потоа и добивање датум за преговори со ЕУ и целосна либерализација на визниот режим. За да ги постигнеме овие цели неопходна ни е поддршка од пријателите, а Бугарија е таков пријател, изјави македонскиот претседател Црвенковски. Шефот на бугарската држава потсeтувајќи дека дека Бугарија прва ја призна Република Македонија и тоа под уставното име, посочи дека неговата земја е силен поддржувач на Јадранската група. Конечната одлука за тоа кој ги исполнува критериумите за членство во НАТО ќе биде донесена во Брисел, рече Прванов. Двајцата претседатели како што информираа на заедничката прес-конференција, разговарале за билатералните односи, за членството на Македонија во НАТО и за состојбата во регионот. Станало збор и за отворањето нови гранични премини, за можностите за либерализација на визниот режим, како и за конкретни проекти во енергетиката - завршувањето на далноводот од Штип до Црвена Могила, изградбата на гасовод Петрич-Струмица и за евентуалното поврзување на Македонија со гасоводот „Јужен поток“. Заедничка оценка е дека односите меѓу двете држави се пријателски и оти има можност за нивно натамошно продлабочување. Претседателите на Македонија и Бугарија на прес-конференцијата одговараа и на новинарски прашања во врска со Косово, поставувањето и уривањето на бистата на Тодор Александаров во Велес и за регистрацијата на партијата на Македонците во Бугарија ОМО Илинден Пирин. За условувањата од Косово, Македонија да ја признае независноста, а потоа да се пристапи кон демаркација на границата, Црвенковски оцени дека станува збор за лош почеток на градење на односите од страна на Приштина. Тој додаде дека декларацијата со која Косово прогласи независност се темели на планот на Ахтисари и во неа точно се прецизирани роковите и начинот на кој треба да се изврши демаркацијата. Според него, тоа не е оставено на добрата волја на косовските власти, туку предвидува вклучување на меѓународни претставници кои треба да го гарантираат тој процес. Црвенковски воедно и сугерираше на македонската Влада наместо до косовските власти да се обрати до меѓународната заедница која, како што вели, уште долго ќе биде на Косово. Во врска со поставувањето и уривањето на споменикот на Александров, Црвенковски рече: - Не ја гледам врската меѓу НАТО и Тодор Александров, но има голема врска меѓу влегувањето во НАТО и ЕУ и создавањето правна држава. Станува збор дали некој треба да ги нарушува процедурите кои произлегуваат од законите“. Прашан дали во Републија Македонија се почитуваат правата на Бугарите, македонскиот претседател одговори дека во Република Македонија секој може слободно да ја искаже етничката припадност и да го изразува и гради својот национален идентитет, а тоа важи и за Бугарите и оти верува дека никој нема да има притисок затоа што се чувствува така. Прванов, пак, како што рече, го искажа својот личен став како историчар дека „Тодор Александров и Јане Сандански се двете лица од еден ист медал“, сугерирајќи им „на македонските пријатели внимателно да ја прочитаат историјата“. - Треба да се надминат стереотипите од минатото и реториката која води кон агресија и омраза, независно од која страна на границата доаѓаат, додаде бугарскиот претседател. Во врска со ОМО Илинден Пирин, Прванов истакна дека Европскиот суд во Стразбур не донел решение со кое се задолжува Бугарија да изврши нејзина регистрација. - Имаше препораки што Софискиот градски суд ги разгледа многу внимателно. ОМО Илинден Пирин треба да достави соодветна и нова документација, а колку што сум информиран организацијата доставила стари документи, рече Прванов. Претседателите на Република Македонија и на Република Бугарија попладнево положија цвеќе на споменикот Јане Сандански во Мелник. За време на положувањето во близина со партиски знамиња и транспаренти мирно протестираа педесетина припадници на ВМРО-БНД на Красимир Каракачанов.ва/са/12